 |
| تصبحوا علي خير |
السلام عليكم ورحمة الله وبركاته......
من فترة كدة كنت مقررة إني أكتب شوية فضفضة معاكوا لحاجات بتحصل معايا ويمكن كمان تكون بتحصل معاكم.
لكن نسبة لشوية ظروف كدة وعقبات في المدونة مقدرتش افضفض معاكوا، دلوقتي بقي قولت هتحدي الظروف والعقبات وهخلي كلامي معاكوا باللغة العامية لسهولة التعامل مع كلامي وعشان كدة قررت تكون المجموعة دي تحت تسمية فضفضة وده يعتبر شوية كلام كدة بيني وبينكم من غير تذويق ولا تعديل لغوي
طب هتكلم في إيه النهاردة؟ حلو السؤال أوي وعجبني، من فضلك بقي ركز معايا ونزل رجلك وتعالوا نحكي عن أحلامي
بصوا أنا هوصفلكم طريقة أحلامي وأتمني تفهموا، أنا في الحلم بكون تلات شخصيات الشخصية الأولي وأنا نايمة والشخصية التانية هي شخصية الأكشن اللي متواجدة في الأحلام ، أما الشخصية التالتة هي وأنا كأني منفصلة عن شخصيتي الأولي ودايماً بكون واقفة جنب السرير وكأني بحرص الشخصية النايمة .
بيكون الحلم كالتالي الشخصية التالتة اللي هي الحارس بتابع أحداث الشخصية التانية اللي هي بتمثل جوا الحلم وبحرص الشخصية النايمة كمان، حد فاهم حاجة؟ طيب هبسطهالك
انا بكون في عالم مختلف اللي هو الحلم زي أي حد طبيعي مش بس كدة ، ده كمان كأني عارفة اللي بيدور حواليا في الحقيقة، يعني بكون بحلم بس شايفة الأحداث الحقيقية زي مثلاً والدتي لو دخلت الأوضة تعمل حاجة أو تصلي، أو أني بسمع صوت تقليب الملعقة لو حد عمل شاي وأما اصحي بقول الحاجة اللي كانت بتحصل وانا المفروض نايمة وطبعا بيطلع انه حصل فعلاً وكمان ببقي عايشة أحداث الحلم
ده بالنسبة لشخصيتي أو الشخصيات اللي بتفصل عني أثناء النوم، طب نيجي بقي لطبيعة الأحلام ذات نفسها
أنا أحلامي تتعد عالصوابع نفس الكام حلم بيتكرروا تقريبا من ساعة ما بقي عندي وعي وتركيز في الأحلام، زي حلم إني بقع من مسافة عالية أو حلم أن حيوانات أو بشر بتجري ورايا، أو حلم إني سوبر هيرو بنقذ الناس ، طبعاً فيه منكم أكيد مر بأحلام مشابهة بس هل منكم اللي عنده كام حلم بس بيتكرروا وكأن القناة بتعمل إعادة بث لفيلم معين؟
طبعا هنا في المدونة انا كتبت عن طبيعة النوم وتجربة شخصية ليا وكتبت تفسيرات عليمة لكيفية حدوث النوم ، وكمان كتبت مقال طويل عريض عن الأحلام لكل البشر وإزاي بتحصل وتقدروا تشوفوا المقالين دول دلوقتي حالاً
بس فكرة اني بنفصل لعدة شخصيات وأنا نايمة وكمان بيبقي عندي الوعي الكافي اللي بيخليني افرق بينهم وكمان أتابع أحداث كل شخصية ده هو السبب الرئيسي في كلامي معاكوا دلوقتي، لو عندكم تجربة مشابهة أو حتي تجربة مختلفة وليها نفس الطابع الغريب أبعتولي في التعليقات ويمكن الفضفضة الجاية تكون ن تجربتكم الشخصية الأكثر غرابة
كتابة: سينا
الى انا فاهمه ان الاحلام جزء منها بيكون خيالى لا علاقة له بالواقع والجزء التانى بيقرب من الواقع وأحداث بتحصل وفى ناس متخصصة فى تفسير الاحلام .. بس موضوع تذكر الاحلام دا مش عارف شئ كويس ولا وحش ؟ انا من فترة كبيرة حاسس انى ما حلمت. معرفش دا شئ ايجابى ولا سلبى
ردحذفاشكرك اخي علي تعليقك هذا، بالنسبة لموضوع انك مبتحلمش فيه دراسات كتير وأبحاث أثبتت أن مفيش حد مبيحلمش لازم يكون فيه حلم او اكتر خلال فترة النوم حتي وان كانت قيلولة، بس كمان الدراسات دي اثبتت ان 90% من الاحلام بيتم حذفها من الذاكرة والسبب لحد دلوقتي عند الخالق سبحانه وتعالي وده انا ذكرته في مقال خلف عالم اللاوعي: الحلم، اتمني تقراه يمكن تكون فيه معلومة تقدر تستفيد منها
ردحذفبالنسبة لي انا أحياناً بتبقى بعض الاحلام او أجزاء من الاحلام عالقة بالذاكرة لفترة زمنية محدودة
ردحذفلكن عندي اضطرابات في الاحلام
فمثلاً بحلم إننا سافرت رحلة مع واحد من اصحابي هادي مثلا وفي نفس الوقت وانا بحلم تتغير شخصية هادي الى شخصية مبروك او عمر او أي حد معروف حتى أنني بعض الاحلام بحلم وانا بسوق طيارة وفجأة بلاقيها سيارة واحيانا احلم اننا ببلد مصر مثلا وفجأة بلاقي نفسي في اليمن
ولو قلت لك أننا لما ادخل تحت البطانية بداعي النوم ابدأ اتذكر بعض اجزاء من حلم البارحة
حتى بعضالاحلام بتخليني مبسوط طول اليوم مدري ليه.
بتمنى ليك احلام سعيدة تتحقق إن شاء الله ويا ريت إننا بقدر اشرح ليك إزاي انا بحب احكي معك
على العموم
انا طارق من اليمن . سسسسلام
وين راح تعليقي
ردحذفجزء كبير اوى بيحصل معايا بس أنا من فترة طويلة بحس انى مش بحلم. معرفش دا مؤشر ايجابي ولا سلبي
ردحذفلو كنت قريت مقال خلف اللاوعي عن الاحلام هتعرف ان مفيش انسان مبيحلمش كلنا بنحلم وكذا مرة كمان اثناء الليلة الواحدة بس لحكمة ربنا 90% من الاحلام الانسان مبيفتكرش انه حلمها
ردحذفاخي غير معروف، نأسف لعدم الرد باكرا، لم اكن قد وافقت علي التعليقات بعد لكني وافقت عليها الان ابحث عن تعليقك ستجده، وان لم تجده ابلغني لاحل المشكلة
ردحذف